Zahar-Etxean hauteskunde sindikalak egin ziren urtarrilaren 26an eta langileek Lantegi Batzorde berria eta beraz ordezkaritza berria aukeratu zuten. LAB izan da bozka gehien lortu dituen sindikatua.
Langileen %85ek hartu zuen parte hauteskundetan. LABek bozkatu duten pertsonen bozken %65a lortu du eta aukeratzen ziren 5 ordezkarietatik 4. LABek babes hori eskertu nahi izan du eta orain arteko bidetik jarraituko duela adierazi du, «baina noski orain artekoa hobetzeko asmoarekin». Orain arte bezala langileen parte hartzea bultzatzen segituko duela ere jakinarazi du, «ditugun arazoei modu kolektiboan erantzunez orain arte bezala. Hauteskunde emaitzek komitearen lidergoa eramateko erronka luzatu digute eta ez dugu hutsik eginen. Baino hala eta guztiz ere Zahar-Etxeko arazoak bertan diraute eta horiek konpontzea langile guztien konpromisotik etorriko da. Orain arteko bideak erakutsi digu Komiteak bere kabuz bakarrik ez duela arazo guztiak konpontzeko gaitasunik eta denon inplikazioa behar beharrezkoa dela».