Baztango herriek ere dispertsioari ez dinamika abiatu da urtarrilean, euskal preso politikoek eta beren familiarrek pairatzen duten dispertsio politika salatzeko herriz herri eta hilabetez hilabete eginen den ekimen ibiltaria. Urtarrileko hitzordua Erratzun izan da.
Urtarrilaren 30ean, ortziralean, hogei lagun inguru bildu ziren Erratzuko Lixutegian ‘Dispertsioaren bizipenak’ izeneko solasaldian eta, merendu goxo baten inguruan, Gari Garaialde argazkilariak ‘Zu ikusteko bidean’ lanaren nondik norakoak azaldu zituen. Ondoren, Baztango presoen familiarrek beren esperientziak eta kezkak azaldu zituzten.
Urtarrilaren 31n, larunbatean, hogeita hamar lagun inguruk parte hartu zuten ‘Baztango herriek dispertsioari ez!’ lemapeko elkarretaratzean Erratzuko plazan, Guardia Zibilaren patruila batek ekitaldia zelatatzen zuela. Hurrengo hitzordua Arraiozen izanen da otsailean.