AEK-k 2.000 euroko ekarpena eginen dio Xaloa Telebistari, Iruñerrian abian jarri duen euskarazko telebistaren aldeko kanpaina dela-eta. Xaloa Telebistak euskahalduntzen jarraitzea erabaki eta hitzarmena sinatu du Korrika 19rekin, euskararen aldeko ekimen erraldoia bultzatzen lagundu eta haren jarraipen berezitua egiteko. Xaloa Telebistaren Iruñerrirako emankizuna ahalbideratuko duen tresneria ordaintzeko beharrezko diru bilketa ere ongi burutu zen. Telebistak 50.000 euroko inbertsioa egin behar du multiplex delako emisorea eta seinalea Iruñerri osoan barreiatzeko bi errepikagailu ezartzeko eta kopuru hori gainditu zuen crowfunding kanpainan, 53.760 euro lortuta (abenduaren 23an).