Euskararen gizarte ezagutza handitzeko eta erabilera sustatzeko lanildoan, 2014an euskara ikasteko diru-laguntza deialdia egin du Udalak. 2.000 euroko diru-hornidura duen deialdiak, lehen aldiz euskara ikasteagatik diru-laguntza jasotzeko aukera herritar guztiei zabaldu die, ez bakarrik langabetuei. Halere, 12 urte bitarteko haurren gurasoak diren edota langabezian daudenen eskaerei bereziki erantzutea (%50eko diru-laguntza handiagoa ematea) aurreikusi du. Hala bada, aurkezturiko hamar eskaeren artean baldintzak bete dituztenei euskara ikasteko egindako matrikulazio gastuaren %48ko diru-laguntza emanen zaie eta haur txikien gurasoak direnei eta langabezian daudenei gastuaren %72koa.
Bertzalde, 2014an lehenbiziko aldiz, Udalak merkataritza establezimenduetako errotulazioak euskaraz paratzeko diru-laguntza deialdia egin du. Honek ere 2.000 euroko diruhornidura izan du eta bi eskaera aurkeztu dira.
Akitzeko, Ziburuko Kaskarotenea ikastolari ere 500 euroko laguntza eman dio Baztango udalak.