Elizondoko alkateak eta kargodunek batzarra deitu dute abenduaren 21erako, igande eguerdirako. Gairik interesgarriena, 2015-2016 biurtekoan alkate lanean aritzeko hautagaien aurkezpena izanen da. Hautagai bat baino gehiago balitz, hauteskundeak abenduaren 28an izanen dira.
Baina horren aitzinetik, aurreko batzarreko akta irakurri eta, hala balitz, onartu eginen da. Gainera, urte honetan izandako kontu jakin batzuen inguruko aipamen eta eskertzak eginen dituzte alkate eta kargodunek eta herriko artxibo zaharra udal-egoitzako gela egoki batean gordetzea edo ez erabakiko dute batzarrean. Batzarra akitzeko, galde-eskeen txanda izanen da.