Baztango Balleko Etxeak bando bidez jakinarazi duenez, Batzar Nagusiko juntero edo mendi komisionatutarako aurkeztu nahi duenak, bere herriko alkateari erran beharko dio. Epea abenduaren 21a arte izanen da, igandea barne.
Abenduaren 22an alkateek herrietan aurkeztu diren hautagaien berri eman beharko dute udaletxean. Abenduaren 23an bandoaren bidez herritarrei jakinaraziko zaie nor aurkeztu diren. Alkateei beraien kuarteletan aurkeztutakoen jakinarazpena eginen zaie. Juntero nahiz mendi komisionatuak aukeratzeko batzarrea urtarrilaren 6an eginen litzateke eta ondotik, ez ohiko batzar nagusia eginen da, izendapen berriak egiteko.