CENOR etxeko tresna enpresaren eskutik 4.010 euroko laguntza jaso du Baztango Xauli elkarteak. Hain zuzen, Santiago Bideko VII. Golf Zirkuituan bildutako dirua Baztanera bideratu du. Elkarteko hainbat izan ziren dirua emateko ekitaldian eta bereziki eskertu zuten emaitza, alde batetik egoitza urpean gelditu baitzen azken uholdeetan eta bertzetik, dirulaguntza publikoak gero eta murritzagoak direlako.
Xaulitik esker oneko solasak helarazi dituzte: «Emandako dirulaguntza eskertu nahi dugu eta aldi berean zonaldeko elkarte txikiei animatu beren proiektuak deialdi honetara aurkeztu dezaten. CENORri eskerrak eman nahi dizkiogu eta bereziki Elizondoko Elektrodomesticos Leiza-ri, bera izan baitzen deialdi honetara aurkezten animatu ziguna».