Euskal Herri osoko letrazaleak bildu nahi dituzte euskal nobela beltzari buruzko topaketa batean. Genero hau ardatz harturik, idazleen eta zaletuen elkargunea sortu nahiko lukete ilbeltzaren 20tik 25era izanen diren topaketetan. Ilbeltzaren 21ean Idazleekin solasean saioa antolatu dute, Eneko Aizpurua izanen da gonbidatua eta bere azken nobela, Herensuge gorriaren urtea, izanen dute hizpide. Asteburuan, berriz, mahai-inguruak, liburu aurkezpenak, ipuin-kontaketak,bertso tramak… izanen dira. Gainera asteburu pasa etorriko direnek eskaintza bereziak izanen dituzte Baztango landa-etxeetan.