Batzarrea deitu dute azaroaren 28rako Elizondoko alkateak eta kargodunek. Ortziral arratseko 8etan hasiko den batzarrean hainbat gai garrantzitsu aztertuko dituzte.
Honela, azkeneko batzarraren akta irakurri, eta hala balitz, onartu ondotik, kanposantuan baimenik gabe egindako obren inguruan eta hartu beharreko neurriak erabakiko dituzte. Ondotik, Sinboloen Legea aztertuko dute, zehazki egoitza ofizialetan ikurriña jartzeko debekuari erantzuteko neurriak hartu behar diren edo ez, eta hala balitz, zer nolakoak izanen diren. Ondotik, uholdeei dagokienez, auzolanaren inguruko balorazioak eginen dituzte. Akitzeko, galdera eta eskaeren txanda izanen dute ortziralean Elizondoko batzarrean.