Drogen kontsumoaren gaineko Guraso eskolaren saioak izanen dira Elizondoko Arizkunenea kultur etxean urriaren 28an eta azroaren 4, 11 eta 13an, 17:00etatik 19:00etara. Lehen hiru saioak Hegoak Elkarteak eta azkena ANASAPSek emanen dituzte.
Hegoak elkartea droga kontsumoaren prebentzioan lan egiten duen taldea da; ANASAPS, ordea, buru osasunaren arloan norbanako nahiz talde mailako egoerei aurre egiten dien elkartea da.
Saioak, arratsaldeko 5etatik 7etara eginen direnak, adin desberdinetako haur-gaztetxoen gurasoei zuzenduriko hitzaldi parte hartzaileak izanen dira, prebentzioa tiki-ttikitatik lantzen den jarrera arduratsua delako.
Ez da beharrezkoa aitzinetik izena ematea. Informazio gehiagorako paratu harremanetan Baztango Udaleko Gizarte Zerbitzuekin telefono zenbaki honetan: 948 580006.