Baztan Musika Eskolan ikasturte hasierako bilkura eginen dute urriaren 17an, ortziral arratsaldeko 17:30etik aitzinera.
17:30ean gurasoekin bilkura eginen da eta Musika Eskolako zuzendaritzak ikasturtearen funtzionamendua azalduko du. 18:00etan udaleko ordezkariekin bilduko da.
Ondotik eginen den bilkuran zenbait gai aztertuko dituzte, hala nola Musika Eskolan orain artio egindakoa, Musika Hizkuntzako irakaslearen ordezkoa edo Eskola Kontseilua sortzeko proposamena. Beti bezala, galde-eskeen txandarekin akituko da bilkura.