Urriaren 18an aurkezpen gurutzatua eginen dute Pello Salaburuk eta Hasier Larretxeak Iruritako Jauregiartea taberna kulturalean 19:00etatik aitzinera. Pello Salaburuk Hasier Larretxearen Larremotzetik (Erein) liburua aurkeztuko du, eta Hasierrek, berriz, Pelloren Errateko nituenak. Cuzcoko kronika (Erein).
Aste bat lehenago, urriaren 11n, Hasierrek Donostiako Garoa Kultur Lab-en, 13:00etan aurkeztuko du aurten argitaratutako liburua. Izanen diren sorpresen artean, bertzeak bertze, bertan izanen da bere aita Patxi egur bat mozten berak testuak irakurtzen dituen bitartean.