Jo ala Jo Kultur Taldeak 15 urte bete dituen hontan Larrazken Kulturala antolatuko dute urriaren bigarren hamabortzaldian, azaroaren 1ean eginen duten Kirikoketa Bestarako giroa berotzeko.
Urriaren 18an, Iruritako Jauregiartean Ttun Ttun eguna eginen dute. Ibilaldia, erakusketa, solasaldia eta folk kontzertua izanen dira.
Urriaren 23an, Elizondoko Aise elkartean sagardo dastaketa ikastaroaren lehendabiziko saioa eginen da. Bigarren saioa, urriaren 30ean eginen da Arizkungo Gamioxarrean. Nola ez, leku bereko dolaretxean eginen da aurten hamabosgarren edizioa beteko duen Kirikoketa Besta, azaroaren 1ean.