Baztango Udal Gobernuak batzar informatibo bat deitu du urriaren 3an, ortziralean 19:00etan Elizondoko Arizkunenea Kultur Etxean, uholdeak Baztanen eragin zituen kalteei buruzko azalpenak emateko.
Bidenabar, uholdeetan kalteak izan zituzten herritarrei azaldu nahi dizkie 245/2014 Foru Aginduak aurreikusten dituen zerga-salbuespenak bideratzeko egin beharrekoak: udalean aurkeztu beharrekoa eskaera, dokumentazioa, aurkezteko epea (azaroaren 30a baino lehen) eta bertze jakingarriak.
Garbiñe Elizegi alkateak sinatutako oharraren bidez, Baztango Udal Gobernuak dei egiten die bileran parte hartzera interesatu guztiei, eta uholdeetan kalteak izan zituzten herritarrei.