Elizondoko Lanbide Eskolako Administrazio-kudeaketako Erdi Mailako ikasle batzuk Baionan aste bateko egonaldia egin dute PIREMOBV proiektuaren barne.
Proiektu hau lanbide heziketa eta enplegu sistemak hobeki ezagutzera eta Pirinioetako bi alderdietako LHko ikasleen mugikortasuna zabaltzera bideratua dago. Elizondoko ikastetxearen kasuan Baionako ikastetxe batekin harremanetan jarri dira hau gauzatzeko. Lehen kontaktu hau hango enpresak ezagutzeko erabiliko da, etorkizunean lantokiko prestakuntzarako (enpresa-praktikak) bilatzeko.
Bidaia eta egonaldia Hezkuntzak finatziatu du PIREMOBV aurrekontuaren gain. Bertzeak bertze, Licee Paul-Vert Institutua, Biarritz eta Baiona hiriak, CCI Bayonnais, Baionako Merkatal Ganbara, Biarritzeko Itsasoaren Museoa- Aquarium, Atelier du Chocolat enpresa, Atelier du Jambon enpresa, Olatu-Leku enpresa mintegia, Merkataritza Bulegoa, Eusko Moneta Erakundea eta Frantziako Sindikatu bat bisitatu dituzte ikasleek.