Udalak ohar bidez jakinarazi du hiri hondakin solidoak bildu, tratatu eta aprobetxatu edo desegiteko zerga-ordenantzetan aldaketak egon direla aurten. Hauek dira aldaketa nagusiak: ordenantza honi dagokion ordainagiria Baztango herrien mugapean kokaturiko etxebizitza guztiei luzatuko zaie; hondakin tasan bi kontzeptu ordaintzen dira bilketari dagokiona eta tratamenduari dagokiona. Bada, bilketari dagokion tasaren zatian distantziaren araberako hobariak aplikatuko zaizkie kontenedore puntu hurbilena etxetik 500 metro baino gehiagora dutenei. Horretarako, hobaria udal bulegoetan eskatzea beharrezkoa izanen da; akitzeko, tasak seihilekoan behin kobratuko dira.