‘Artoaren seme-alabak‘ izenpean larunbatean, abuztuak 23, 18:30ean Iruritako Jauregiaren lorategian, Nikaraguari buruzko jardunaldi kulturala ospatuko da. Nikaraguako folklore eta gastronomiarekin gozatu eta hura ezagutzera emateko aukera izanen dute ekitaldira hurbiltzen direnek, eta baita erakusketa eta dokumental bat ikusteko parada ere.
ASNINA (Nikaraguarren Nafarroako Elkartea) eta Baztango Bidelagun eta Dorrea elkarteak dira ekitaldiaren antolatzaileak. “Nafarroan bizi diren nikaraguarren bitartez Nikaraguako kultura ezagutzera eman” nahi dute ekitaldiaren antolatzaileek. Iruritako Jauregiak ere bere laguntza eskaini dio egitasmoari.