Baztango Udalak harrera bero bat egin zien abuztuaren 1ean, ortziral arratsaldean, Bidasoa euskaldera uda pasatzera etorritako 14 haur sahararrei eta haien etxeetan dauden familiei. Urtero bezala Saharaztan Elkarteari esker haur hauek gure inguruan bi hilabeteko egonaldia pasatzeko aukera izaten ari dira.
Harrera ekitaldi hau uztailaren 5ean egitekoa zen, baina bezperako uholdeak zirela eta, gibeleratu behar izan zuten. Dena dela, Baztango Udalak harrera hunkigarria eskaini zien, opari bana eta guzti emanez. Ondotik, Balleko Etxearen atarian argazkia atera zuten, Palestinarekin elkartasuna agertzen zuen pankartaren gibelean. Gero denak elkarrekin Arizkungo elkartera joan ziren afaltzera.