Oraina inarrosiz geroa landu goiburupean Gaztetxeak hamargarren urteurrena ospatuko du.
Uztailaren 1ean, asteartean 17:00etan haurrendako jostaketak izanen dituzte.
Uztailaren 2an Egun Morea izanen da Gasteizko Unibertsitateko Emakume Taldearen eskutik. 11:00etan taldearen aurkezpena eginen dute, 14:30ean bazkari autogestionatua. 17:00etan Itxura eta autoestima tailer eta antzerkia. Gero, Postpornoa eta transexualitatea kafe-solasaldia. Talo jatea eta gero, ipuin erotikoak.
Uztailaren 3an, ortzegun goizeko 10etan ogia eta jogurtak nola egiten diren ikasteko tailerra izanen da. 19:00etan Baztango gazte mugimenduaren bilakaera mahai ingurua eta pintxo jatea.
Uztailaren 4an, ortziralean 20:00etan Iñaki Urrestarazuk Inperialismoaren eta faxismoaren hedapena Europan solasaldia eskainiko du.
Uztailaren 5ean, 14:00etan bazkaria eginen dute eta ondotik kalejira alaitsua eta kontzertuak.