Kepa Arizmendi Bereau hil zela bortz urte bete dira ekainaren 8an.
Bere ibilbidea gogoratzeko zenbait ekitaldi egin dituzte asteburu honetan senide eta lagunek. Horrekin batean Elizondoko margolariaren omenez egindako Kepa Arizmendi Bereau-Baztan liburuaren aurkezpena egin du Baztan Batzen lan taldeak eta bere margolanen erakusketa inauguratu dute Arizkunenean. Ekainaren 29 artio ikusgai dira izanen bere lanak. Hain zuzen, Baztan Batzen taldea sortu dute Kepa Arizmendiren lagun eta senide batzuk, Elizondon 1958an sortu eta Baionan 2009an hil zen margolari honen lana eta ezohiko ibilbidea gogoratu nahian. Ekainaren 7an bertze hainbat ekitaldi ere egin ziren: rugby partida jokatu zuten Lekarozen. plaka paratu zuten bere sortetxean eta ondotik triki-poteoa egin zuten. Hainbat lagun bildu ziren Antxitonea trinketean egindako bazkarian ere.