Iaz bezala, aurten ere Baztango Mendigoizaleak taldeak bere denboraldia bukatzeko herriz herriko itzulia antolatu du, Baztandarren Biltzarreko lagunekin batera. Ekainaren 22an eginen da, igande goizeko 6:30ean abiatuta Baztanesatik. Almandozen hasi eta Arizkunen bukatuko dute, 38 kilometro egin ondotik. Dena den, aukera izanen da edozein herritan ibilaldian sartu eta ateratzeko. Iaz ez bezala, aurten hameketakoa norberak eraman beharko du. Zati bat egin nahi dutenendako, hona hemen ibilaldia herrietatik pasako den ordutegia: Almandoz (7:00), Berroeta (7:37), Aniz (8:05), Ziga (8:36), Oronoz (9:40), Arraioz (10:35), Irurita (11:05), Gartzain (11:50), Lekaroz (12:15), Elizondo (13:00), Elbete (13:10), Azpilkueta (15:05), Amaiur (16:10), Erratzu (17:00), Arizkun (17:40).