Ekainaren 14an, larunbatean, Amaiurko Gaztelu Taldeak kontzertua eman zuen Iruritako lorategian dagoen Jauregiarte ostatu berrian, Jo ala Jo Elkartearekin batera.
Dorrea elkarteak antolatutako kultur ekitaldia arratsaldeko 7etan hasi zen, Jo ala Jo elkarteko Xabi eta Itziar Torres anai-arrebek eskainitako txalaparta erakustaldiarekin. Amaiurko Gaztelu Taldeak Benito Lertxundi, Imanol, edo Xalbadorren kantak abestu zituzten, gaur egun abesti herrikoiak deritzogunak. Bukaeran, aperitibo ttiki bat izan zuten, kanta zaharrekin eta euskal doinuekin alaituta. Nahiz eta Jauregiarte ostatua oraindik erekita ez egon (uztailarako aurrekusia dago inaugurazioa), jadanik kultur ekitaldi ezberdinak egin dituzte bertan.