Venezuelatik Euskal Herrirat etorritako elkartasun brigada Baztanen egon zen maiatzaren 21ean. Mugimendu bolibariarreko hainbat kidez osatutako taldeak Amaiurko gaztelua bisitatu zuen eta Patxi Urrutiaren eskutik Amaiurko gertaeren garrantzi historiko eta politikoaren berri izan zuten. Venezolarrek Isaak Rekalde Amaiurko alkatearen agurra ere jaso zuten. Ondotik Elizondoko gaztetxean bazkari egin zuten eta Baztango alkatearen agurra jaso zuten. Bazkarirat bailarako mugimendu desberdinetan dabiltzan herritar batzuk hurbildu ziren.