Txaruta elkarteak Baztango Udalaren laguntzaz antolatutako Udaberriko 24. Pilota txapelketaren finalak maiatzaren 25ean jokatuko dituzte. Igande goizeko 9etan hasiko dira pilotari koxkorrenak Elizondoko pilotalekuan eta 9:30ean ttikienak Iruritako Aranabian.
Iruritako finalei dagokienez, Txikien kategorian, Elizondoko Jon Garbalena eta Aimar Obregozo, Elizondoko Xuban Goñi eta Ugaitz Apeztegiaren kontra ariko dira.
Umeak B mailan, Aurrera Saiazeko Andoni Iztueta eta Martxel Elola, Ultzamako Aimar Martikorena eta Andoni Sarasibaren kontra.
Umeak A mailan, Elizondoko Oihan Obregozo eta Ibai Ballarena, Donostiako Eneko Sorondo eta Egoitz Olaizolaren kontra.
Kimuak B mailan Hernaniko bi bikote izanen dira aurrez aurre: Oinatz Intsausti eta Anartz Oiartzabal, Unax Uitzi eta Xabier Apaolazaren kontra.
Kimuak A mailan, Amaiurko Mikel Ariztia eta Esteribarko Aingeru De la Fuente, Zizurko Josu Igoa eta Etxagueren kontra ariko dira.
Elizondon pilotari koxkorragoak ariko dira igande goizeko 9etatik aitzinera.
Haurrak B kategorian, Andoaingo Eñaut Iruretagoiena eta Enartz Etxeberria, Burlatako Asier Erroz eta Mikel Baleztenaren kontra ariko dira.
Haurrak A kategorian, Añorgako Asier Gabirondo eta Haratz Oliden, Esteribarko Asier Maia eta Ander Beteluren kontra.
Kadete B kategorian, Elizondoko Aritz Merino eta Lekarozko Aimar Ariztegi, Berako Titouan Mendy eta Patxi Etxegarairen kontra.
Kadete A kategorian, Oronozko Enaitz Antso eta Burlatako Aitor Bidaurreta, Burlatako Andoni Agirre eta Josu Eskirozen kontra.
Gazteak B kategorian, Iruñeko Iribarren eta Roldan, Lezoko Tatiegi eta Errenteriko Mitxelenaren kontra.
Gazteak A mailan, azkenik, Berako Andoni Lazkanotegi eta Elizondoko Sergio Oskoz, Narbarteko David Albiasu eta Tafallako Eneko Ruizen kontra ariko dira.