Lekarozko Kolegioko ikasle ohiek urteko batzarra egin zuten apirilaren 27an. Eguneko ekitaldirik bereziena Aita Claudio Zudaireri egindako omenaldia izan zen. Lezaundarra sortzez, baztandarra bihotzez, musikologo haundia eta urtetan Elizondoko koralarekin aritu zen organujolea izan zen. Ikasle ohien oroigarria jaso zuen. Gainera, betiko lekutik Txokoko lorategira harriz harri eraman den monolitoa ere ikusi ahal izan zuten. Meza eta hameketakoaren ondotik batzar orokorra egin zuten. Martxoren 22an hil zen Francisco Javier Cabodevilla (Zabalzetako Pablo Aita) ere gogoratu zuten. Iruritako Olari jatetxean egin zuten bazkaria eta noski, Lekarozko tortillak ez zuen hutsik egin menuan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun