Sahararekiko elkartasun eguna antolatu du bigarren urtez Saharaztan taldeak, Baztango Udalaren laguntzaz. Martxoaren 29an eginen da Oronoz-Mugairin eta egun osoko egitarau zabala prestatu dute.
11:00etan kalejira.
11:30ean harrera frontoian.
12:00etan hitzaldia: Sahara okupatua. Bitartean, umeen txokoa puzgarriekin.
14:00etan bazkaria. (Txartelako salgai izanen dira 8 eurotan haurrentzat eta 15 eurotan nagusientzat Doneztebeko Ekaitzan, Arizkungo Dolaetxean, Erratzuko Zubi-puntan, Elizondoko Intza eta Pirrinen, Berako Kattaku et Errekalden, Oronozko Pierresenean, Etxalarko Elutsan eta Lesakako Atxaspin).
Bazkal ondoren, Fanfarremifa fanfarrea, La Chula Potra kantaria eta haurrendako marrazki tailerra izanen dira.
19:30ean kontzertuak frontoian, Muxu Beltza, Damba, Marianitoz Blai, Trikidantz, Kalera, Emon, Eztanda batukada eta Tirri&Tery taldeekin. Sarrera: 5 euro.
Antolatzaileek Baztango Udalak eta Oronozko herriak eskainitako laguntza eskertu nahi izan dute.
Autobus zerbitzua
Gauez bokatak eta autobus zerbitzua ere izanen dira. Autobusa 22:30ean aterako da Amaiurtik; Elizondotik 18:00etan 22:45ean, 01:45ean eta 04:30ean. Beratik, 18:45ean, 00:00etan eta 03:00etan eta Doneztebetik 19:00etan, 00:15ean eta 03:15ean. Oronoztik Baztango herrietara itzulerako autobusa 22:00etan, 01:00etan, 04:00etan eta 07:00etan aterako da eta Oronoztik Bera aldera 23:30ean 02:30ean eta 06:00etan.