Elizondoko Abesbatza Ttikiak antolatuta, haur eta gazte kantarien hirugarren topaketa eginen dute larunbat honetan, otsailak 15, Iruritan. Elizan eginen duten saioan Elizondoko Abesbatza Ttikirekin batera, Baztango herrietako eskolek, Baztan Ikastolak, Elizondoko San Francisco Jabier Eskolak eta Lekarozko institutuko ikasleek parte hartuko dute. 18:30ean hasiko da emanaldia.
Kristina eta Maki Urtasun izanen dira saioaren gidari, Xabier Urtasun trikitixarekin eta pianoarekin ariko da eta Gurutze Aizpuru akordeoiarekin.