Larunbat honetan, urtarrilak 18, Anizko inauteriak ospatuko dira, Baztango lehenbizikoak. Anizko eta Berroetako gazteak goizean Mendiarte Kultur elkartean gosaria egiteko bilduko dira eta ondotik, etxez etxe ibiliko dira puxkak biltzen: arrautza, xixtorra, xingarra... bildutako puskekin afaria eginen dute.
Ondoko asteburuan, urtarrilaren 25ean gauza bera eginen dute, baina Berroetan. Anizko gazteak Berroetarat joanen dira eta denek elkarrekin gosaldu ondotik etxez etxe ibiliko dira berriz puxkak biltzen. Hilaren 25ean ez ezik, 24an ere, ortziralean Berroetako baserriak eginen dituzte.