Baztango Udalak antolatuta hainbat ekitaldi eginen dira egunotan. Hilaren 13 eta 14an, Maskaren Jokoa tailerra eginen dute Elizondoko Arizkunenean, Teatro que madura taldearen eskutik, ortziralean 18:30etik 21:30era eta larunbatean 10:00etatik 14:00etara eta 16:30etik 19:30era. Aitzinetik izena eman behar da.
Baztango Musika Eskolak Eguberrietako kontzertua eskainiko du abenduaren 14an Erratzuko elizan, larunbata arratsaldeko 5etan.
Hilaren 20an, berriz, Euskararen galera eta berreskurapena Iruritako familietan (1970-2010) solasaldia eskainiko du Paula Kasaresek 19:00etan Iruritako Jauregian.
Hilaren 22an, Tartean Teatro&Ez dok hiru Bikoteatroak Lingua Nabajorum antzezlana eskainiko du 19:00etan Iruritako Gizarte Bilgunean.
Hilaren 26an, Eñaut Gorbea ipuin kontalaria ariko da 3-9 urte arteko haurrentzat 17:00etan Elizondoko Kasinoan.
Hilaren 29an, azkenik, hitzordu bikoitza izanen da. 12:45ean ahots kontzertua eskainiko du Iruñeko ahots lodien abesbatzak Elizondoko elizan eta bertsoa eta literatura uztartuko dute Uxue Alberdi, Andoni Egaña, Itxaro Borda eta Pello Ramirezek Kafkaren aulkia ikuskizunean, 19:00etan Arizkunenean.