Azaroaren 25ean Emakumeenganako indarkeria ezabatzeko nazioarteko eguna dela eta, aurten ere hainbat ekitaldi antolatu ditu Baztango Udalak.
Azaroaren 14an, ortzegun arratsaldeko 7etan, Berdintasunean hezitzen al ditugu haurrak? solasaldia eskainiko du Emagin taldeko Idoia Trenor-ek Arizkunenean, Berdintasun Batzordeak eta Kultur Batzordeak antolatua.
Azaroaren 21ean, Emakumeak historian solasaldia eskainiko du Nora Salbotx-ek 20:00etan Arizkunenean, Berdintasun Batzordeak antolatua.
Azaroaren 25ean, astelehen eguerdian, elkarretaratzea eginen da Elizondoko plazan, Berdintasunak indarkeria ezabatzen du izenburupean. Akitzeko, azaroaren 28an, ortzegunarekin, Alardearen seme-alabak dokumentala eskainiko dute 19:00etan Arizkunenean, Berdintasun Batzordeak eta Kultur Batzordeak antolatua.