Emakumeenganako indarkeria ezabatzeko nazioarteko egunaren inguruan hainbat ekitaldi antolatu dituzte Baztanen

TTIPI-TTAPA 2013ko aza. 12a, 08:57

Neska eta mutikoak berdintasunean hezten ote ditugun galderari erantzunen dio ortzegunean Arizkunenean Emagin taldeki kide batek. Artxiboko argazkia

Azaroaren 14an haurrak berdintasunean hezitzen ote ditugun galderari erantzunen dio Emagin taldeko Idoia Trenor-ek Arizkunenean

Azaroaren 25eko Emakumeenganako indarkeria ezabatzeko nazioarteko eguna dela eta, aurten ere hainbat ekitaldi antolatu ditu Baztango Udaleko Berdintasun Zerbitzuak, “Berdintasunak indarkeria ezabatzen du” goiburupean.

Azaroaren 25eko Emakumeenganako indarkeria ezabatzeko nazioarteko eguna dela eta, aurten ere hainbat ekitaldi antolatu ditu Baztango Udaleko Berdintasun Zerbitzuak, “Berdintasunak indarkeria ezabatzen du” goiburupean.

Azaroaren 14an, ortzegun arratsaldeko 7etan, “Berdin hezten ditugu neskatoak eta mutikoak?” solasaldia eskainiko du Emagin taldeko Idoia Trenor-ek Arizkunenean, Berdintasun Batzordeak eta Kultur Batzordeak antolatua.

Azaroaren 21ean, “Emakumeak historian” solasaldia eskainiko du Nora Salbotx-ek 20:00etan Arizkunenean, Berdintasun Batzordeak antolatua.

Azaroaren 25ean, astelehen eguerdian, elkarretaratzea eginen da Elizondoko plazan, “Berdintasunak indarkeria ezabatzen du” izenburupean.

Akitzeko, azaroaren 28an, ortzegunarekin, “Alardearen seme-alabak” dokumentala eskainiko dute 19:00etan Arizkunenean, Berdintasun Batzordeak eta Kultur Batzordeak antolatua.

Azaroaren 29an, “Sarean harrapatuta?” solasaldia eskaniko du Susana Manzanedok Lekarozko institutuan, DBHko ikasleendako.

Abenduaren 1ean, igandearekin, Iruritako Damaso Zabalza Bilgunean, Pikor Teatro taldearen “Jokoaut” antzespena izanen da ikusgai, 19.00etatik aitzinera.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun