Larunbat honetan, urriak 19, Euskaraz Bizi Nahi Dut herri lasterketaren bigarren edizioa jokatuko da Elizondon. Lasterketak bi zirkuito izanen ditu, haurrentzat 400 metrokoa eta helduentzat 4.000 metrokoa. Goizeko 11etatik aitzin izanen dira bi lasterketak, lehenik haurrena eta gero helduena.
Izen ematea lekuan bertan egin daiteke, helduek 5 euroren truke eta haurrek 2 eurotan. Honez gain, kamisetak ere egonen dira salgai 5 eurotan. Parte hartzaile guztiei diplomak banatuko zaizkie eta denen artean hainbat opari zozketatuko dira. Honez gain, helduen lasterketako lehen hiru emakumezko zein gizonezkoek sariak jasoko dituztela jakinarazi du Estebe Apezetxe Baztango Udaleko Bai Euskarari teknikariak. Animatu eta parte hartu!!