Poza: zergatik dantzatzen dute bosniarrek antzezlana ikusgai izan da urriaren 27an, igande arratsaldeko 7etatik aitzinera Iruritako Gizarte Bilgunean.
Bortz lagun gela batean zer edo zer ederra gertatzeko zain. Gertakizun krudeletan topa daitekeen edertasuna izango dute hizpide, Bosniako gerra edo munduko edozein gatazka gogoan. Azkenean, gela horretatik atera gabe, edertasuna sortzen saiatuko dira: izutzeraino gozoak diren uneak, hunkiduraraino ederrak diren krudeltasunak. Jabi Barandiaran, Idoia Beratarbide, Ander Fernandez, Oier Guillan, Asier Sarasola dira lan honen protagonista.
Arte ezberdinen arteko elkarrizketa abiatu dute Metrokoadroka kolektiboko kideek antzezlan hau osatzeko, poesia eszenikoaren bidean, Alvaro Ledesma, Dejabu, Corinne Cella, Azala, BAD, Mikelazulo eta Zazpi t'erdi-ren laguntzarekin.