Hainbat euskal herritarrek polizien aldetik jasan dituzten torturak salatzeko asmoz, 2010eko ihauterietan torturen parodia egin zuten Elizondon. Guardia zibilak salaketa jarri eta iazko urrian epaitu zituzten Baztango lau gazte. Hasiera batean, kalumnia delituengatik zortzi hilabeteko espetxe zigorra eskatzen zuen fiskalak, baina epaiketan, irain gisa kalifikatu eta bakoitzarendako 5.400 euroko isuna eskatu zuen azkenean. Orain publiko egin da sententzia eta azkenean epaileak Haritz Gaztelu 2.000 euroko isuna ordaintzera zigortu eta bertze hirurak kargugabetu ditu.