Gurutze Sainduaren omenez egiten dituzten bestak, aurten lau egunez ospatuko dituzte Elbeten, irailaren 13tik 16ra. Egunez egun, hau izanen da egitaraua:
Ortzirala, irailak 16
18:00etan bestei hasiera emanen dien txupinazoa botako dute eta bonba japoniarrak ere izanen dira. Ondotik txistulariek buruhaundiekin herrian barna buelta emanen dute. 19:30ean futbol partida jokatuko dute, ezkonduak ezkongabeen kontra ariko dira. 21:00etan Baztan Zopak dastatzeko aukera izanen da eta 22:30ean FRANTXISKOrekin dantzaldia izanen da Elbeteko Posadan. 00:00etan txopoa goratuko dute eta ondotik DJ-ak izanen dira frontoian: HUNNAI eta PIEK.
Larunbata, irailak 14
09:00etan dianak izanen dituzte, 11:00etan Meza Nagusia eta 12:00etan luntxa. Ondotik, Elbeteko dantzarien saioa ikusgai izanen dute. 14:30ean zikiro-jatea eginen dute, Julen Zelaieta, Iñaki Aleman eta Jaione Elizagoienek alaitua. 20:00etan dantzaldia izanen dute AIERRIK taldearekin eta 21:00etan Mutildantzak: Baztango dantza taldearen saioa. 22:00etan berriz Mutildantzak izanen dituzte. 00:00etan dantzaldia eskainiko du AIERRIK taldeak eta ondotik TIRRI&TERRI DJa plazan ariko da.
Igandea, irailak 15
09:00etan dianak izanen dituzte. 11:00etatik 13:30era eta 15:30etik 18:00etara puzgarriak, tren txu-txua eta car-ak aukeran izanen dira haurren gozamenerako. 14:00etan haurren bazkaria posadan eginen dute. 17:00etan mus eta partxis txapelketa jokatuko dute eta 18:00etan haurren dantzaldia izanen dute. 18:30ean txokolatea hartu ondotik, 20:00etan dantzaldia izanen dute JAIONE ELIZAGOIENen eskutik. 22:00etan zozketa eta sari banaketa eginen dituzte.
Astelehena, irailak 16
14:00etan bazkaria eginen dute Karrikaxarren.