Ortziral ilunabarrean botatako txupinazoarekin hasi ziren Azpilkuetan sanferminak. Geroztik hainbat ekitaldi izan dira, eta lau eguneko bestei gaur emanen diete bukaera, zikiro jatearekin.
08:00etan sua piztuko dute eta 09:00etan gosaria eginen dute. 10:00etan dianak izanen dira herriko karriketan barna. 14:00etan zikiro jatea eginen dute Iñaki Aleman eta Julio Soto bertsolariekin, eta ondotik dantzaldia izanen dute Frantzisko Santxotenaren eskutik. 22:00etan afaria eta dantzaldia izanen dute Frantziskorekin gorputzak aguantatu arte. Bestak akitzeko Gaixua Ni kantatuko dute azpilkuetarrek.