Nafarroako ordezkaritzak lau domina eskuratu zituen apirilaren 13an Villagarcia de Arousa hirian (Pontevedra, Galiza) jokatutako Espainiako kenpo txapelketan.
Elizondoko Zaira Latasak zilarrezko domina lortu zuen gerriko beltza eta marroia zuten kenshiei zuzendutako Borroka jarraia txapelketan. Berekin batera, irundarrak izan arren Nafarroan federatuak dauden Maria Rekaldek urrezko domina lortu zuen (kata armekin) eta Ainhoa Mancerak urrezko (borroka puntuan) eta brontzezko domina (defentsa pertsonaleko teknikak) bana.
Zaira Latasa ez zen eskualdeko ordezkari bakarra izan Espainiako txapelketan, Mikel Vaquero elizondarra ere Galizara joan baitzen, baina ez zuen dominarik lortu.