Apirilaren 28an hasi zen Nafarroako goma gaineko 4x4 sokatira txapelketa. Gizonezkoen 320 eta 300 kiloko kategorian bina talde atera ditu Amaiurrek eta hain zuzen, txapelketako bigarren saioa Amaiurko pilotalekuan jokatuko da maiatzaren 11n, 18:00etan. 320 kiloko bigarren jardunaldia jokatuko da eta ondoren, lehen bi sailkatuen arteko finala. Maiatzaren 19an Iruñean eta 25ean Berriozarren 300 kiloko bi jardunaldiak jokatuko dira. Gizonezko helduez gain, emakumezkoak 260 kiloko kategorian eta kadeteak 290 kilokoan ere ari dira txapelketan, baina eskualdeko ordezkaritzarik gabe.