Elizondoko Lanbide Eskolan ikasitakoa, Europako beste ereduekin alderatzeko aukera izan dute Goi Mailako Administraritza eta Finantzak taldeko zenbait ikaslek. Pragako hirian martxoaren 19 eta 20 an ospatu den Enpresa Simulatuen Nazioarteko Azokan parte hartu dute. Bertan Europa osoko 160 enpresa simulatu bildu dira, zehazki Txekiar Errepublika, Austria, Errusia, Errumania, Eslobakia eta Nafarroatik joandakoak. Urki Munarriz, Stephanie Tubón, Gabriela Pricop, Belentxu Cebrian, Ane Garmendia eta Miriam Martín ikasleak eta Maite Ariztegi irakasleak egin dute bidaia, Lekaroz-Elizondoko Guraso Elkartearen laguntzarekin. Iaz Bartzelonako Enpresa Simulatuen Azokan parte hartu zuten eta aurten pauso bat haratago eman eta Europa mailan jarduera komertzial hau nola antolatzen den ikusteko aukera izan dute. Honekin hirugarren aldia da Lanbide Eskolako ikasleak Europara joaten direla, aitzinetik Salzburgon (Austria) eta Ganten (Belgika) egonak dira.
Europa osoko bertze 160 enpresen esperientzia ikasi dute 6 ikaslek eta irakasle batek
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun