Xorroxin ur-jauzia Baztango interesgune nagusietako bat dela kontuan hartuta, Baztango Udalak ur-jauzirako sarbidea egokitu berri du. Horretarako, 3 aparkaleku egokitu eta seinalizatu dituzte Erratzun.
Lehen aparkalekua herrirat sartu eta herriko plazaren eremuan eta frontoiaren inguruan kokatzen da. Zubia gurutzatu eta gero, Zubipunta ostatuaren aitzinean, bigarren aparkalekua dago. Eliz ondotik, Gorostapolo auzorako errepidetik jarraituz gero, bidegurutze bat aurkitzen da: ezkerrerantz, bakarrik barrideen kotxeek erabil dezaketen bideak jarraitzen du, eta eskuinerantz hartuta hirugarren aparkalekura iristen da. Azken aparkalekuan, Xorroxinerat joateko jarraitu beharreko oinezkoendako ibilbidea seinalizatuta dago. Izan ere, Xorroxinera doazen bisitari guztiek eskolako bidegurutzean ezkerrerantz oinez jarraitu behar dute bidea. Bertzalde gogorarazi dute Erratzutik Gorostapolorat doan errepiderako sarrera soilik barrideendako dela eta bertan ibilgailuak geratu edota aparkatzea debekatuta dagoela.