Korrikaren alde oinak astintzeaz gain, izaten dira Korrikari laguntzeko beste moduak ere, Korrika Kulturala kasu. Baztanen martxoaren 2an eta 3an eginen dituzte Korrika kulturaleko ekitaldiak. Goizetik gauera arteko besta antolatu dute martxoaren 2an eta martxoaren 3an, helduentzako ipuin kontaketa saioa izanan da Arizkunenean.
Larunbatean, goizeko 10:00etan Amaiurren gosaldu eta indarrak hartu ondotik, bizikletaz Elizondora joanen dira. Eguerdi partean, Elizondoko gaztetxean bazkalduko dute. Menua: Txorizoa sagardotan, salda, banabar gorriak, xolomoa saltsan, jogurta, kafea eta kopa. Txartelak salgai daude hamar eurotan Intza, Zubi-punta eta Suinki Euskaltegian. Arratsaldean bestak jarraipena izanen du, Elizondoko ostatuetan barna fanfarrebertsopoteoan ibiliko dira 18:00etatik aitzinera. Ander lizarralde, Unai Muñoa eta Jon Elizetxe bertsolariak arituko dira kantuan. Eguna akitzeko, 22:30ean Makulu ken eta Kaskezur taldeek kontzertua eskainiko dute gaztetxean. Reagge, rock eta funky doinuak entzuteko aukera zabalik, sarrera borondatearekin truke izanen da.
Igandean, arratsaldeko 07:00etan egin dute hitzordua Arizkunenean. Arrazoien bila izenburupean, helduendako ipuin kontalaria izanen da.