Otsailaren 23an, ospatuko dute Bertako Haziaren Eguna Elizondon. Aitzineko edizioekin alderatuta martxoa eta apirilean egin ordez, otsailera aitzineratu dute. Lekua ere aldatu dute eta horrela «jende gehiagora iritsiko dela mezua» uste dute antolatzaileek. Goizeko 10:30ean abiatuko dira ekitaldiak, hazien trukaketa eta informazio banaketa eginez. Eguraldiaren arabera, Elizondoko plazan edo Merkatu Plazan eginen da. Eguerdian, mahai ingurua antolatu dute Arizkunenean Jakoba Errekondo eta Nafarroako eta Euskal Herriko hazi sareetako ordezkariekin. Aditu hauekin, ikusleek beraien esperientziak, zalantzak, galderak... partekatzeko aukera izanen dute. Ondotik, 13:30-14:00 inguruan gaztetxean bazkalduko dute eta bazkalondoan, kantalditxo bat izanen da Guajiroen eskutik.
Mahai inguruan, Jakoba Errekondo eta Hazi sareetako ordezkariek parte hartuko dute
Bidasoaldeko eta Nafarroako Hazi Sareak antolatu dute eguna. Hazien trukaketa eginen dute goizean eta eguerdian mahai ingurua antolatu dute Jakoba Errekondo eta Nafarroako eta Euskal Herriko hazi sareetako ordezkariekin. Ondotik, bazkaria izanen da gaztetxean eta bazkalondoan, kantaldia Guajiroen eskutik.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun