Errenteriko abesbatzak kontzertua eman zuen urtarrilaren 26an Elizondoko elizan. Maisutasunez abestu zuten, beraien ahots eztiekin bertaratu zirenen gozamenerako. Escudero konposatzailearen meza, Mendelssohnn bost pieza eta Maitia nun zira eta Agur Jaunak abestiak interpretatu zituzten. Honela, zikloari hasi bezalaxe, kantuan, eman zioten amaiera. Eduardo Zubikoa eta Ana Mari Marin, antolatzaileak gustora daude jendearen erantzunarekin, 2000 pertsona inguru bertaratu baitira Juanito Erasoren heriotzaren hamargarren urteurreneko ekitaldietara. Bide batez, beraien laguntza eskaini duten elkarte, entitate eta norbanakoei ere eskerrak eman nahi izan dizkiete.
Bi mila pertsona inguru bertaratu dira hamargarren urteurreneko ekitaldietara
Urtarrilaren 26an, Elizondoko elizan eman zuen kontzertua Errenteriko abesbatzak. Honela, zikloari hasi bezalaxe, kantuan eman zioten amaiera. Antolatzaileak gustora daude jendearen erantzunarekin, 2000 pertsona inguru bertaratu baitira Juanito Erasoren heriotzaren hamargarren urteurreneko ekitaldietara.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun