Aniz eta Berroetako gazteek inauteriak elkarrekin ospatzen dituzte, bi asteburuetan banatuak. Anizen larunbat honetan, urtarrilaren 19an bilduko dira.
Anizen goizean Mendiarte Kultur elkartean bilduko dira gazteak gosaltzeko. Gosariak luze jotzen du normalean, eta gosal ondotik etxez etxe ibiliko dira puxkak biltzen: arrautza, xixtorra, esnea… musikariekin etxez etxe ibili eta gero, etxeetan ateratzen dutenarekin zanpa ase eta bete ondotik, elkarterat itzuliko dira puxketan bildu dutena afaltzerat: tortilla, xixtorra…ondotik, afalondoan musikarekin bestak segituko du.
Beraz, asteburu honetan Anizen izanen da besta, eta hurrengoan Berroetan.