Bi arreba’ Andoni Egaña bertsolariak eta Xabier Lizaso pianistak sortu duten ikuskizunaren izena da; Chopinen eta Xenpelarren antzekotasunetan oinarrituta, musika, bertsoak, istorioak eta inprobisazioa uztartzen dituen saioa. Igandean eskainiko dute saioa arratsaldeko 19:00etan.
Ikuskizunaren bizkarrezurra kontakizun bat izango da, Chopinen kontuak, Xenpelarrenak... Lizasok pianoz lagunduko ditu Egañak kantatuko dituen Xenpelarren bertsoak. Chopin eta Xenpelarrek hainbat antzekotasun dituzten arren (biak artistak ziren, sortzaileak eta berritzaileak, biek bere hizkuntza propioa zuten…), Egaña eta Lizaso batean oinarritu dira: biak gaitzak jota egon ziren azken hilabete haietan eta euren arrebak izan zituzten biek zaintzaile lanetan. Izan ere, Chopinen arreba Varsoviatik Parisera joan zen anaia zaintzera; Xenpelar, berriz, ez zuen inork zaindu nahi, gaitza oso kutsakorra zelako, eta arreba ere handik gutxira hil zen gaitzak jota. Azken hilabete horietan oinarritzen da emanaldiaren izena, ‘Bi arreba’.