Liburuak trukatzeko hozkailua jarri dute Balleko Etxearen atarian

Hondakinak Prebenitzeko Europako astearen baitan, Elizondon liburuak trukatzeko ekimena jarri dute abian. Eta trukea egiteko, modu berexia bururatu zaie. Hondakinetatik berreskuratutako hozkailu bat jarri baitute Balleko Etxeko atarian. Hozkailuaren ba­rrenean ez da jakirik izanen, horren partez liburuak jarriko dituzte. Ho­rrela, etxetik liburu bat eramaten dutenek, hozkailuan dagoen ber­tze batengatik aldatzeko aukera izanen dute hemendik aitzinera. Azaroaren 20an jarri zuten martxan ekimena, eta antolatzaileen erranetan harrera arras ona izan zuen liburu trukeak, 18 pertsonek egin zuten trukea. Erakusmahai bat ere jarri zuten hondakinak prebenitzeko informazioa eta egitasmoaren inguruko iritzia eman edo trukatutako liburua aipatzeko bisita liburua ere jarri dituzte. Eguberriak arte egonen da bertan hozkailu-trukea eta gero liburutegi aitzinera eramanen dute.