Adineko pertsonen memoria biltzeko lanean dihardu Bidelan, Laguntza Emaile taldeak. Duela urte eta erdi ‘Eguzkia Lainopean’ bideoa aurkeztu zuten. Ortziralean, bigarren bideoaren aurkezpena eginen dute Iruritako Jauregia etxean arratsaldeko 19:00etatik aurrera. “Zaharrean berria bilatzen eta berrian betikoa” izenburua du bideoak. Bertan, Baztan eta Urdazubiko zenbait gizon-emakumeen bizipen eta istorioak jasotzen dituzte. Proiektuaren nondik norakoak aurkeztu, bideoaren helburuak zeintzuk diren jakin eta partehartzaileen hitzak entzuteko aukera izanen dute aurkezpenera joaten direnek. Baina ez hori bakarrik, Foto Menaren artxiboari eta Dorrea elkarteari esker, Baztango argazki zaharren erakusketa txiki bat ere antolatu baitute. Iruritako bideo emanaldi eta erakusketa hau, bertze herrietan ere ikusteko aukera izanen da. Proiektua Baztango bertze herrietara ere zabaltzeko asmoa baitute.
EGITARAUA:
Azaroak 10-14 Elizondo-Elbete.
Arizkunenea 18:00- 20:00.
Azaroak 12. Almandoz. 18:00. Batzarretegian
Azaroak 13. Berroeta.
Azaroak 14. Aniz.
Azaroak 15. Ziga.
Azaroak 16. Oronoz.
Azaroak 19. Arraioz.
Azaroak 20. Lekaroz.
Azaroak 21. Arizkun.
Azaroak 22. Erratzu.
Azaroak 23 Azpilkueta.
Azaroak 26 Amaiur.
Azaroak 27. Urdazubi.