Iruritako etxeen historia ezagutzeko konferentzia antolatu ditu Dorrea elkarteak Iruritako jauregian, ‘Herri baten historia; Iruritako etxeak’ izenburupean, Jose Maria Imizkoz historialariaren eskutik.
Urriaren 12an, 1366 eta 1646 urteen arteko hazkunde handiaz aritu zen Imizkoz eta urriaren 19an, 1646 eta 1850 urteen artean eman zen barridetasunaren blokeoaz eta baserrien sorkuntzaz ariko da solasean, 17:30etik aitzinera.