Jo ala Jo taldeak antolatzen duen Kirikoketa bestak hamahirugarren edizioa beteko du urriaren 20a Arizkunen. Egun horretarako egitarau zabala prestatu dute. 10:45ean ibilaldia eginen da Arizkungo herritik barna Gamioxarreako Dolaretxera, musikariekin, sagar joleekin, asto eta sagarrekin, erraldoi eta dantzariekin. 11:00etan ate irekitzea. Segidan, sagar Jotzea, estutzea, zuku dastaketa eta kupelaratzea eginen dira. Lanak akitutakoan, Kirikoketa Jotzea eginen da. Bitartean: Nafarroako Sagardoen dastaketa, taloak, artisauak, gaztainak, musika, azalpenak eta bertze izanen dituzte Gamioxarrea inguruan.
14:30ean bazkari Herrikoia antolatu dute 120 lagunendako. Txartelak ohiko lekuetan daude salgai. Bazkalondoan, 18:00 aldera herritik barna ibilaldia eginen da arratsalde pasan, kantu,dantza eta soinuekin. Aurtengo Kirikoketa Eguna behar bezala akitzeko, 21:30ean kontzertua izanen da.