Baztango osasun kontseilua, 1990. hamarkadaren hasieratik lehen aldiz urriaren 18an, ortzegunean bilduko da. Osasun kontseilua herritarren eskubidea den osasun arreta bermatzeko, hobetzeko eta eraginkorrago egiteko bilgunea da eta, bertan, erakundeetako ordezkariak, osasuneko profesionalak, sindikatu eta herri erakundeetako ordezkariak biltzen dira.
Udal berria osatuz gero, udal gobernuaren helburuetako bat Baztan-Zugarramurdi eta Urdazubiko osasun kontseilua berreskuratzea izan da eta, azkenean, lortu da. Aipatzekoa da, baita ere, Elizondoko osasun etxeko arduradunen eskaera ere izan dela aipatu bilgunea berreskuratzea, modu horretan, eragile desberdinek aho batez egindako eskariari erantzuna eman zaio. Bilera ortzegunean 13:00etan eginen da Baztango Udaleko Batzar Gelan.
Parte hartzaileak
Ortzeguneko bileran honako hauek parte hartuko dute: Iparraldeko eremuko zuzendariordea: Antonio Perez Andrés
Baztango udaleko ordezkariak: Garbiñe Elizegi, Iñigo Iturralde eta Mª Carmen Iribarren.
Urdazubiko udaleko ordezkaria: Itziar Galarregi
Zugarramurdiko udaleko ordezkaria: Lazaro Daintziart Iribarren
Elizondoko osasun zentroko ordezkariak: Iñaki Marcos Zorroza (Elizondoko lehen arreta taldeko zuzendaria), Ana Ariztegi (Elizondoko lehen arreta unitateko erizain taldekoa), Eva Espatolero Ladrero (Elizondoko osasun zentroko gizarte langilea) eta Agurtzane Elizegi (Osasun etxeko administraria)
Sindikatuen ordezkaria: Andone Garde (LAB)
Eta Baztango elkarte hauetako ordezkariak: Eguzkilore, Dizdira, Anfas eta Arkupeak
Lehenengo bilera honetan Osasun kontseiluaren helburuak eta funtzionamenduak zehaztuko dituzte.